من طرف عادي تروح وعادي اروح وانساك
دام الفراق بخاطرك خاطري طاب
يمكن يكون الخير في يوم فرقاك
والله جعل للبعد حالات وأسباب
مبداي ثابت وانت غيرت مبداك
ولايتفق بالناس صادق وكذاب
والله عقب اللي حصل ماأترجاك
من يامنك غير الذي يامن الداب
كرامتي تسوى حياتك وتسواك
الحب مهو حرب غالب وغلاب
خلك على ماترغبه في نواياك
الشمس غابت وأنقفل دونك الباب
العز ولاكل يوم وبلواك
والستر فوق وفوق من لوم وحساب....
